Peukara Saleum

Bagikan:

Kolumnis : Nazar Shah Alam

Buno siat leuh woe bak seumayang Jumat, tiba-tiba na itamong telpon bak hempon lon. Lon kalon bak layeu, rupajih dari Lako Saudah. Agak hireun lon, sebab hantom kejadian meuno. Jih tipe ureung agak meuitong bacut bak pulsa. Tapi kakeuhlah, lon ci angkat.

“Kiban, Lako Saudah?” langsong ju lon teumanyong.

“Hai, Bang Za. Bek-lah tuwo neukeun saleum sebagai permulaan tanyoe peugah haba,” ijaweub le jih lage sinis meunan.

Kakeuh bek hana mangat, lon keun teuma saleum. Lon tanyong lom kiban.

Ijaweub ngon su leumoh leumbot uleh meulinte Bang Leman Buya nyan, “ka gadoh mood lon, bang Za. Padahai buno na pu yang keuneuk lon peugah bak droneuh.”

“Pakon gadoh mood teuma?” lon tanyong.

“Kiban han gadoh mood, droneuh sigo lon telpon, hana neusambot ngon get pih. Meudeh kon neubi keuh saleum seubago pembuka haba. Pulom nyoe phon lon telpon. Tapi hana peulah, ka sep lon turi kiban droneuh. Meunyo meuno perlakuan dron keu lon, bisa jadi nyoe pertama dan nyoe terakhir lon telpon droEn, Bang Za.”

Lon ka tahee gantee. Peukara tuwo keun saleum sagai pakon jeut ka brat?

“Beh ka, Bang Za lake meu’ah. Lom pih kaleuh bang keun saleum lom buno. Jadi kiban? Puna pakat, Lako Saudah?” lon ci peuleumoh su.

“Hana pakat sapeu le, Bang. Ka sep lon turi kiban dron menghargai ngon. Bek takeun harta, meutingkat pahla han neutem bagi,” ijaweub le Lako Saudah ngon su weuh meunan.

“Meuno mantong, Lako Saudah. Miseu na sipeu-peu nit ka telpon, kapeugah ju beutrang. Bek kajak bahas peukara silap bacut nyan,” ka mulai jibeudoh beungeh lon.

“Bacut? Peukara keun saleum nyan bek neuanggap sepele dan bacut, Bang. Na hukom idalam jih,” iseuot lom.

“Get. Beutoi haba gata, Lako Saudah. Jadi hana peunteng yang laen kon? Nyoe hana kapeumate ju telpon,” su lon ka gram.

“Tapeuteupat peukara saleum, Bang. Hana peunteng meunurot droen?” keubit meunyet-nyet that ka Lako Saudah nyoe.

“Wate lon trok woe dari Bandaceh nteuk tapluk mandum peukara nyan, Lako Saudah beh. Baca ju mandum asoe Saheh Bukhari dan Muslim. Peukara amalan muslimin nyang get meunurot Rasulullah. Nteuk neuci surah bak lon. Miseu meucawo surah, bak talak kutakat. Bah meutamah luah lapangan ateuh ule gata,” ka cukop gram kuh.

“Meunyo neuteupu bi saleum nyan amalan baik, pakon cit hana neukeun buno?” Diulang lom.

“Nyan silap. Lon kira bak meukarat,” lon peukureng tensi.

“Ah, alasan dron!” sinis ijaweub.

“Ka preh beh. Jadeh kupeujeut keu janda si Saudah. Kapreh!”

Tit tit tit

Langsong jipeumate hp Lako Saudah.

Baca Juga:  Memasuki Musim Kemarau, Harga Cabai Rawit di Bener Meriah Naik

Tinggalkan Balasan

Alamat email Anda tidak akan dipublikasikan. Ruas yang wajib ditandai *

No More Posts Available.

No more pages to load.